Telefoon, telefoon, telefoon hy lui!!  Dêmmit!! 

Ek haat my selfone!!  Punt.

behalwe as my Teddie my bel wanneer ek te lank weg is *wink*

Selfone … jy kan nie daarmee “cope” nie en ook nie daarsonder.   Maar my grootste frustrasie en redes hoekom ek my selfone haat is mense.   Mense wat nie weet hoe om hulle selfone te gebruik nie.

Hoekom …..

op dees aarde wil jy bestuur en jou selfoon gebruik?

wil jy op jou selfoon gesels, terwyl ek by jou sit, is ek so “boring”?

lui jou telefoon in vergaderings, opvoerings, flieks, kerk en flippen begrafnisse?  (jip …. ja …. regtig, trust my)

Mense is hulle selfone se slawe.  As daai ding lui of “beep” spring hulle op aandag.  Die haatlike ding het hulle volle aandag.  En dit maak nie saak waar dit is of waar hulle is….. dadelik word daar faithfully ‘n sms terug getik.  Subtiel en uit die oog?  … nee …. sommer net daar aan tafel.  Die mes en vurk word neergeplak en die bord eenkant toe geskuif en die vrot vol kieme selfoon se knoppies word gedruk of daar ‘n prys op die spel is.

My eie reëls vir my selfoon.

Die ding is nie my baas nie, as dit ander mense gaan steur wat saam my is, dan skakel ek die ding af, of los hom by die huis.

As ek nie genoeg tyd het of nie lus is nie,  antwoord ek nie sms’e terug nie.  Ek bel, stuur ‘n e pos of skype boodskap.

Ek praat sag in my selfoon.  Dis ‘n selfoon nie ‘n mikrofoon!!!!

As ek ‘n belangrike oproep verwag tydens ‘n afspraak of ete, verwittig ek die mense vooraf en maak sommer byvoorbaat verskoning.    Ek verskoon myself en gaan gesels saggies op ‘n ander plek sodat ek nie die res van die geselskap steur as die oproep deurkom.  Die foon is dan natuurlik ook gestel op “vibrate” sodat die lui mense nie moet steur.

My foon het nie simpel lui tone.  Ek het ‘n Ipod,  musiek sentrum en winamp (rekenaar) om na my gunsteling liedjie te luister.

As mense se selfoon maniere my irriteer,  verwyder ek myself weg van hulle.  Dit gaan nie help om ander etiket te leer nie.  As hulle nie die klein dingetjies weet en besef nie, gaan hulle in elk geval nooit nie.   Ongelukkig is daar mense wat dink die wêreld draai om hulle en die res van die mensdom moet maar by hulle reëls aanpas en inval!!    Maar ek kan julle verseker,  hulle kry die Clint Eastwood “kyk” Hierdie wipneus kyk is nie ‘n baie mooi gesig nie.

Ek hou ‘n 3 meter distansie van ander mense wanneer ek op my selfoon praat.

Ek wed almal van julle ken die een:  Die verdomde foon lui, en hulle verskoon hulself   “Ek weet ek mag dit nie doen nie, maar hierdie is baie belangrik”    Dan gesels hulle oor koeitjies en kalfies.  Nonsens man!!  Ek kan verstaan as daar ‘n belangrike (dringende, alhoewel hulle pleit mos almal dringend)  kliënt oproep,  dood of siekte is.  Maar moenie vir my sê  Susan se nuwe handsak is belangrik nie.

Ek is vanoggend omgekeer oor my selfoon.  Die ding lui en as ek optel, gooi iemand die ding in my oor neer.  Die gaan nou al geruime tyd aan.  Verdomde malle wat nie ‘n lewe het nie!!   Mense stuur sms’e wat onvriendelik lyk op die oog.  Jip, ok, ek is seker sensitief en dis eindelik die rede  hoekom ek nie sms.  Ek is te lui om lang sms’e te tik en as ek ‘n kort een tik, klink dit kort-af en onvriendelik.  Aan die positiewe kant kry ek soms die oulikste sms’e.  Byvoorbeeld ek wag elke aand vir daai een spesiale sms van my hartsvriendin, net om my ‘n goeie nag toe te wens of sommer een van daardie cute boodskappies.  Ek weet dan sy dink aan my!!    Ek het gister-aand die oulikste sms gekry van nog ‘n vriend, die een is doodverlief en dit het my laat skater van die lag.  So dankie tog,  soms kan my selfoon ‘n vreugde wees.

Omdat ek negatief is oor selfone, en alewig raas kry oor ek nie my selfoon by my het nie, die ding nie antwoord nie, of sms’e nie terug antwoord nie, het ek ‘n slegte selfoon geskiedenis.  My selfone doen snaakse goed, die laaste selfoon het in die bad met kokende water gespring, vanself, ek was nie betrokke nie.  *wink*  Ek het hom met die haardroeër probeer droog blaas, in die son gesit, maar nee…. hy is FUBAR.  Daarsy nog ‘n selfoon uit my lewe, laat jy asblik toe selfoontjie ……

• “Thou shalt not set thy ringer to play La Cucaracha every time thy phone rings.” Some of the default ringtones, especially the polyphonic ones, are actually even worse.
• “Thou shalt not wear more than two wireless devices on thy belt.” You know if you’re guilty right now.
• “Thou shalt not speak louder on thy cell phone than thou would on any other phone.” Man, this is an aggravating one. Why do people hold the phone in front of them and yell into it instead of talking normally? To avoid the tumors?
• “Thou shalt not slam thy cell phone down on a restaurant table just in case it rings.”

Die belangrikste reël van selfone, moenie in ander se “face” wees met jou verdomde blackberry.  Moenie aangaan soos iemand wat niks gewoond is nie.  Laat jou selfoon sy plek ken.  Moenie jou selfoon my baas maak nie. 

Lekker naweek almal

Vergeet jou selfoon in die laai en gaan vir goud!!!

ps:  Smurfie LOL ek het heerlik gelag vir jou kommentaar.      Dankie.